2024-11-15

სამსახურის წარმომადგენლებმა და მიუნსტერის უნივერსიტეტის პროფესორმა ტომას ჰოერენიმ  საჯარო სემინარი გამართეს

---

პერსონალურ მონაცემთა დაცვის სამსახურის წარმომადგენლებმა და მიუნსტერის უნივერსიტეტის პროფესორმა ტომას ჰოერენიმ  თბილისის ივანე ჯავახიშვილის სახელობის სახელმწიფო უნივერიტეტში  საჯარო სემინარი გამართეს.

შეხვედრა მონაცემთა დაცვის სამართალსა და GDPR-ის რეგულაციებზე ჩატარდა, რომელზეც განხილული იყო ევროპული და საერთაშორისო მონაცემთა დაცვის სტანდარტები და საქართველოს 2024 წლის მონაცემთა დაცვის კანონი.

ლექციაზე პერსონალურ მონაცემთა დაცვის სამსახურის უფროსის აპარატის ხელმძღვანელმა ნიკოლოზ პოპიაშვილმა და საერთაშორისო ურთიერთობების, ანალიტიკისა და სტრატეგიული განვითარების დეპარტამენტის უფროსმა ანა თოხაძემ ისაუბრეს საქართველოს პერსონალურ მონაცემთა დაცვის სამართალსა და პერსონალურ მონაცემთა დაცვის სამსახურის უფლებამოსილების შესახებ.

შეხვედრა ინტერაქციულ რეჟიმში წარიმართა და დამსწრე აუდიტორიამ მათთვის საინტერესო საკითხებზე მიიღო ინფორმაცია.